श्री साईबाबा संस्थानला TVS कंपनीकडून दुचाकी देणगी
शिर्डी, 05 फेब्रुवारी 2025: श्री साईबाबा संस्थान विश्वस्तव्यवस्था, शिर्डी करीता आज TVS कंपनीच्या वतीने JUPITER-113-SXC दुचाकी मोटारसायकल देणगी स्वरूपात सुपूर्द करण्यात आली. संस्थानच्या वतीने या वाहनाची विधीवत पूजा करण्यात आली.
या प्रसंगी TVS मोटर्सचे उपाध्यक्ष श्री यु. सेल्वम यांनी संस्थानचे मुख्य कार्यकारी अधिकारी गोरक्ष गाडीलकर यांच्याकडे दुचाकीची चावी तसेच TVS X EV गाडीच्या किंमतीचा ₹2,60,000/- चा धनादेश सुपूर्द केला. त्यानंतर संस्थानचे मुख्य कार्यकारी अधिकारी गोरक्ष गाडीलकर यांनी श्री यु. सेल्वम यांचा यथोचित सत्कार केला.
विशेष म्हणजे, यापूर्वीही TVS कंपनीने श्री साईबाबा संस्थानला १० दुचाकी आणि २ तीन चाकी वाहने देणगी स्वरूपात प्रदान केली आहेत.
यावेळी TVS कंपनीचे एरिआ मॅनेजर अभिजित व्यास, संस्थानचे उपमुख्य कार्यकारी अधिकारी संदिपकुमार भोसले, कार्यकारी अभियंता भिकन दाभाडे आणि वाहन विभाग प्रमुख अतुल वाघ उपस्थित होते.
