शिर्डी –
श्री साईबाबा संस्थान विश्वस्तव्यवस्था (शिर्डी) च्या वतीने आयोजित केलेल्या १०७ व्या पुण्यतिथी उत्सवाच्या मुख्य दिवशी लाखो साईभक्तांनी श्री साईबाबांच्या समाधीचे दर्शन घेतले. या उत्सवात मंदिर व मंदिर परिसरात मुंबई येथील व्दारकामाई मंडळाच्या वतीने आकर्षक विद्युत रोषणाई व समुद्र मंथनातून प्रकटलेल्या रत्नांवर आधारित ‘श्री साईरत्न’ हा भव्य व आकर्षक देखावा तर ओरीसा येथील दानशुर साईभक्त सदाशिव दास यांच्या देणगीतून मंदिर व मंदिर परीसरात करण्यात आलेली आकर्षक फुलांची सजावट साईभक्तांसाठी लक्षवेधी ठरली.
आज उत्सवाच्या मुख्य दिवशी व्दारकामाईत सुरु असलेल्या श्री साईसच्चरित्र या पवित्र ग्रंथाच्या अखंड पारायणाची समाप्ती झाली. अखंड पारायण समाप्तीनंतर श्री साईबाबांच्या प्रतिमेची व श्री साईसच्चरित या पवित्र ग्रंथाची मिरवणूक काढण्यात आली. या मिरवणूकीत संस्थानचे अध्यक्ष तथा प्रधान जिल्हा न्यायाधीश श्रीमती अंजू शेंडे (सोनटक्के) यांनी पोथी, मुख्य कार्यकारी अधिकारी गोरक्ष गाडीलकर यांनी वीणा तर उप मुख्य कार्यकारी अधिकारी भिमराज दराडे व प्रशासकीय अधिकारी संदीपकुमार भोसले यांनी प्रतिमा घेवून सहभाग घेतला यावेळी मंदिर प्रमुख विष्णु थोरात, प्र. जनसंपर्क अधिकारी दिपक लोखंडे, मंदिर पुजारी, शिर्डी ग्रामस्थ व साईभक्त मोठ्या संख्येने उपस्थित होते. सकाळी ०७.०० वाजता संस्थानचे अध्यक्ष तथा प्रधान जिल्हा न्यायाधीश श्रीमती अंजू शेंडे (सोनटक्के) व त्यांचे पती श्री. प्रेमानंद सोनटक्के यांच्या हस्ते समाधी मंदिरात पाद्यपुजा करण्यात आली.
त्यानंतर लेंडी बाग येथे संस्थानचे अध्यक्ष तथा प्रधान जिल्हा न्यायाधीश श्रीमती अंजू शेंडे (सोनटक्के) व त्यांचे पती श्री. प्रेमानंद सोनटक्के यांच्या हस्ते ध्वज पूजन करण्यात आले. यावेळी मुख्य कार्यकारी अधिकारी गोरक्ष गाडीलकर, उपमुख्य कार्यकारी अधिकारी भिमराज दराडे, प्रशासकीय अधिकारी संदीपकुमार भोसले, आदी अधिकारी व कर्मचारी तसेच शिर्डी ग्रामस्थ व साईभक्त मोठ्या संख्येने उपस्थित होते. सकाळी ०९.०० वाजता शिर्डी शहरातून काढण्यात आलेल्या भिक्षा झोळी कार्यक्रमात संस्थानचे अध्यक्ष तथा प्रधान जिल्हा न्यायाधीश श्रीमती अंजू शेंडे (सोनटक्के), संस्थानचे मुख्य कार्यकारी अधिकारी , गोरक्ष गाडीलकर, उपमुख्य कार्यकारी अधिकारी भिमराज दराडे, प्रशासकीय अधिकारी संदीपकुमार भोसले, मुख्यलेखाधिकारी श्रीमती मंगला वराडे, आदी अधिकारी व कर्मचारी कर्मचारी यांच्यासह १० ग्रामस्थ व १० साईभक्त सहभागी झाले होते. सकाळी १०.०० वाजता ह.भ.प. सौ. शोभना देशपांडे, नाशिक यांचे किर्तन झाले. तसेच सकाळी १०.३० वाजता संस्थानचे अध्यक्ष तथा प्रधान जिल्हा न्यायाधीश श्रीमती अंजू शेंडे (सोनटक्के) व त्यांचे पती श्री. प्रेमानंद सोनटक्के यांच्या हस्ते समाधी मंदिरात आराधना विधी करण्यात आला. यावेळी संस्थानचे मुख्य कार्यकारी अधिकारी गोरक्ष गाडीलकर व त्यांच्या सुविद्य पत्नी सौ. वंदना गाडीलकर, उपमुख्य कार्यकारी अधिकारी भिमराज दराडे व त्यांच्या सुविद्य पत्नी सौ. वैशाली दराडे, प्रशासकीय अधिकारी संदीपकुमार भोसले व त्यांच्या सुविद्य पत्नी सौ. स्मिता भोसले, मुख्य लेखाधिकारी मंगला वराडे, कार्यकारी अभियंता भिकन दाभाडे, मंदिर प्रमुख विष्णु थोरात, पुजारी, शिर्डी ग्रामस्थ व साईभक्त उपस्थित होते. दुपारी १२.३० वाजता माध्यान्ह आरती तर दुपारी ०१.०० ते ०३.०० या वेळेत श्री बबलु दुग्गल, पुणे यांचा ‘साईभजन संध्या’ कार्यक्रम, दुपारी ०३.३० ते ०५.३० वा. श्री रोहित दुग्गल, श्रीरामपुर यांचा ‘साईभजन संध्या’ कार्यक्रम संपन्न झाला. सायंकाळी ०५.०० वाजता खंडोबा मंदिर येथे सिमोल्लंघन कार्यक्रम होणार असून सायंकाळी ०६.१५ वाजता श्रींची धुपारती होईल. तर सायं.०७.३० ते १०.०० वा. श्री शैलेंद्र भारती, मुंबई यांचा ‘साईभजन संध्या’ कार्यक्रम होणार असून रात्रौ ९.१५ वाजता गावातून श्रींच्या रथाची मिरवणूक होणार आहे. रात्रौ १०.०० ते पहाटे ०५.०० यावेळेत श्रींच्या समोर कलाकार हजेरी कार्यक्रम होईल. तर उत्सवाच्या मुख्य दिवशी समाधी मंदिर साईभक्तांना दर्शनासाठी रात्रभर उघडे असल्यामुळे दिनांक ०२ ऑक्टोबर रोजी रात्रौ १०.०० वाजता होणारी शेजारती व दिनांक ०३ ऑक्टोबर रोजी पहाटेची ०५.१५ वाजता होणारी काकड आरती होणार नाही.
उद्या शुक्रवार दिनांक ०३ ऑक्टोबर रोजी उत्सवाच्या तृतीय दिवशी पहाटे ०६.०० वाजता श्रींचे मंगलस्नान, सकाळी ०७.०० वाजता श्रींची पाद्यपूजा होईल. दुपारी १२.३० वाजता श्रींची माध्यान्ह आरती होईल. दुपारी ०१.०० ते ०३.०० या वेळेत सौ. पद्मावती पारेकर (निनाद ग्रृप), पुणे यांचा ‘साईभजने’ कार्यक्रम, दुपारी ०४.०० ते ०६.०० वा. ह.भ.प.सौ. वर्षा टाकळीकर, बांद्रा पश्चिम यांचा एकादशी किर्तन कार्यक्रम व सायंकाळी ०६.१५ वाजता धुपारती होईल.
तसेच सायं.०७.०० ते ०९.३० वा. सौ. अश्विनी सरदेशमुख, मुंबई यांचा ‘साई गीतांजली’ कार्यक्रम श्री हनुमान मंदिराशेजारील श्री साईबाबा समाधी मंदिर शताब्दी मंडपातील स्टेजवर होईल व रात्रौ १०.०० वाजता श्रींची शेजारती होईल.
