दरवर्षीप्रमाणे याही वर्षी रुढी परंपरेनुसार श्री साईबाबा संस्थानचे वतीने तुलसी विवाह श्री द्वारकामाई मंदीर येथे साजरा करण्यात आला. तुलसी विवाह निमित्त आज सायंकाळी ०६.३० ते ०७.३० यावेळेत द्वारकामाई मंदीराच्या सभामंडपात संस्थानचे मुख्य कार्यकारी अधिकारी श्री गोरक्ष गाडीलकर भा.प्र.से. यांच्या हस्ते तुलसी विवाह पूजनाचा कार्यक्रम पार पडला. यावेळी श्रीगणेश पूजन, नैवेद्य दाखविणे आदी कार्यक्रम झाले. याप्रसंगी संस्थानचे प्रशासकीय अधिकारी तथा प्र. उप मुख्य कार्यकारी अधिकारी संदीपकुमार भोसले, प्रशासकीय अधिकारी प्रज्ञा महांडुळे, मंदिर प्रमुख विष्णु थोरात, जनसंपर्क अधिकारी तुषार शेळके, संरक्षण अधिकारी रोहिदास माळी, मंदिर पुजारी, शिर्डी ग्रामस्थ व साईभक्त मोठ्या संख्येने उपस्थित होते.
Undefined
श्री साईबाबा संस्थानचे वतीने द्वारकामाई मंदिरात पार पडला तुलसी विवाह
Wednesday, November 13, 2024 - 21:00
